موسوعة شعراء العاميه المصريه / سميه عودة

مقامات
وإلى وعد وفه
قبطان على الدفة
وقنالنا ف الزفة
لبسة ثوب الخالدين
وقنالنا مش شطين
ورمال وصخر وطين
دي قنالنا شريان خير
حاضن دما الغاليين
يا وطنا ياغالي
الحب فيك مقامات
ومقامك العالي
لتصير سبع قنوات
تعظيم سلام
لك يابطل
قائد همام
ولكل مصري
أصيل تمام
افرح بقى
اضحك بقى
بكرة خرج
م الشرنقة
بستان أمل
طارح على جبينك حياه
ولحن نجاه في شريان
الوطن يجري يتغنى بمواويلك
ونبض قناة
سارج ضياه قناديلك
واناديلك بعلو الصوت
يافرحة عمرنا المكبوت
تدوم يامصر أمجاد
وتملي الكون باعيادك
يا أرض العزة والملكوت
وبقنالك هيعلي الصوت
وهيسمع معتش سكوت
وحسادك يابلدي تموت
وإلى يخون هيهون بقه
ونصيبه ذل وتريقه
وأدى القناة اكسير حياه
وفجر الخير أهو طالع
من المرسى قلوب حارسة
لكل الكون
ومش هنهون
وايد المولى فوق رأسك
يا أم الدنيا يا طاهرة
يدوم يا غالية احساسك
جنودك هما حراسك
على حدودك أسود واقفة شعر /
سمية عودة



------------------------------------
من غير ملامح
ف الغربة الدنيا كربة
والناس من غير ملامح
والكل فيها جامح
حصان طامح \ وجانح
ف الغربة الدنيا غابة
وحوش \ أسود \ ديابة
وف حب مصر يعمل
نفسه عاشق صبابة
وتمللي الغربة عاشقة
للسهد وللاهات
وتمللي كمان بتبقى
مليانة بحكايات
قصة وبطلها غايب
من بدري ف الشتات
دايرة وبتدور علينا
والدنيا خد وهات
شعر /سمية عودة



----------------------------
سمية عودة
عضواتحاد كتاب مصر (عضوية عاملة)
شاعر /قاص /ناقد
عضو اتحاد شعراء مصر
رئيس لجنة الحفاظ على البيئة بالمجلس القومي للمرأة بالدقهلية
رئيس اللجنة الثقافية بنادي جزيرة الورد بالمنصورة
مدير تحرير مجلة نادي جزيرة الورد
سكرتير عام نقابة الإعلام الإلكتروني بالدقهلية
سكرتير مجلس إدارة نادي أدب قصر ثقافة المنصورة
مشرف نادي أدب قصر ثقافة الطفل بالمنصورة
مؤسس نادي أدب مؤسسة الرحمة الخيرية مستشار ثقافي واجتماعي لمؤسسة الرحمة الخيرية بالمنصورة
عضو مجلس إدارة صالون النهار
سكرتير عام رابطة الزجالين ومؤلفي الاغاني بالدقهلية
باحث سابق بكلية الزراعة جامعة المنصورة
عضو اللجنة الثقافية بالهيئة الملكية بينبع الصناعية (التحلية)
عضو اتحاد المثقفين العرب بباريس