موسوعة شعراء العاميه المصريه / محمد مفتاح
صفحة 1 من اصل 1
موسوعة شعراء العاميه المصريه / محمد مفتاح
[[/url][/url]
تاريخ الميلاد 21 _4_1977
عضو جمعية مبدعى مصر
عضو المجلس المصرى للشعر العامى
نشرت قصائده ببعض الصحف والمجلات المتخصصه
أنا عاشق تراب أرضك
وخداني الغربه حنين جوايا
بحن لبلدي
بسمع في نداها
صوت أم حنون
أرجعلي ياولدي
أشرب من نيلي
وأسكن على أرضي
نور قناديلي
ماتسيبنيش وحدي
وبرد عليها سابقني بكايا
البعد بعيد مش هو هوايا
ولا كيفي وغرضي
أنا بسهر ليلك
بعشق مواويلك
أتوضي بنيلك
وأصلي أنا فرضي
وبقوم من بدري
وبصلي أنا فجري
أنا بدعي يوماتي
وفي كل صلاتي
لو عشا أو مغرب
ظهر وعصر
بدعي وبقول
يحميكي يامصر
بسافر ياما وبفارق
لكن جوايا أوي فارق
بحن إليكي وأشتقلك
وكل ما فيا يندهلك
بيوحشني قوي نيلك
وضي الشمس علي هرمك
ده اللي يعيش فيكي
يعشق لياليكي
علي صوت غناويكي
أجمل ما فيكي يامصر
أنا لو هعيش فيكي
علي كوخ في أرضيكي
أحسن كتير عندي
م الغربه لوكان قصر
وهقول وأوصيكي
ووصيتي أمانة
يابلدنا يحميكي
م الرب متصانه
أمانه عليكي لما أموت
ويتحول كلامي سكوت
لا أنا عايز بكا ولاصوت
مانيش عايز صريخ وعويل
ودمع يغرق المناديل
بوصيكي أنا في عرضك
يكون قبري تراب أرضك
أنا عاشق تراب أرضك
-----------------------
التجربة
هتعيشي تاني التجربة
بنفس المعاني
ايه اللي شايفاه أختلف
جايز أسامي
مضمونها واحد واحسبيه
ما اختلف يمكن كتير
طب راجعي قلبك فاهميه
صعب لو نفس المصير
قوليله يقسي ويحتمل
سهل عادي وقول يهون
مادام مافيش شئ اختلف
ونسخه مكرره بكربون
بلاش تعيدي التجربة
وانتي جرحك مانتهاش
لسه دمعك فوق خدودك ماتمسحش
بلاش يكون حلمك جنين
جوه رحمك ما أتخلقش
حلم غالبها الامومه
وانتي مستنيه يوم
تسمعي كلمة ياماما
من شئ اساساً ما اتوجدش
حمل كاذب ايه دليله
ارجعي لقلبك قوليله
لو قال بحبك ما تصدقش
-----------------------
حلم مجنون
أنا القلب اللي عاش يحلم
لقاكي في يوم
لقيته محال
كأنه خيال
وحلم في نوم
وخايف اعيشه
في يوم واقع
برغم القلب فيه دافع
لكن خايف
ومش عارف
خيال يبقي اقوي م الواقع
أنا مصدوم
انا محتار
مابين قلبي
انا وعقلي
فقلبي يقول
انا عاشق
انا مفتون
وعقلي يقول
بلاش تهرب
من الواقع
شاور قلبك
كده وراجع
بلاش حلمك
يكون مجنون
----------------------
تاريخ الميلاد 21 _4_1977
عضو جمعية مبدعى مصر
عضو المجلس المصرى للشعر العامى
نشرت قصائده ببعض الصحف والمجلات المتخصصه
أنا عاشق تراب أرضك
وخداني الغربه حنين جوايا
بحن لبلدي
بسمع في نداها
صوت أم حنون
أرجعلي ياولدي
أشرب من نيلي
وأسكن على أرضي
نور قناديلي
ماتسيبنيش وحدي
وبرد عليها سابقني بكايا
البعد بعيد مش هو هوايا
ولا كيفي وغرضي
أنا بسهر ليلك
بعشق مواويلك
أتوضي بنيلك
وأصلي أنا فرضي
وبقوم من بدري
وبصلي أنا فجري
أنا بدعي يوماتي
وفي كل صلاتي
لو عشا أو مغرب
ظهر وعصر
بدعي وبقول
يحميكي يامصر
بسافر ياما وبفارق
لكن جوايا أوي فارق
بحن إليكي وأشتقلك
وكل ما فيا يندهلك
بيوحشني قوي نيلك
وضي الشمس علي هرمك
ده اللي يعيش فيكي
يعشق لياليكي
علي صوت غناويكي
أجمل ما فيكي يامصر
أنا لو هعيش فيكي
علي كوخ في أرضيكي
أحسن كتير عندي
م الغربه لوكان قصر
وهقول وأوصيكي
ووصيتي أمانة
يابلدنا يحميكي
م الرب متصانه
أمانه عليكي لما أموت
ويتحول كلامي سكوت
لا أنا عايز بكا ولاصوت
مانيش عايز صريخ وعويل
ودمع يغرق المناديل
بوصيكي أنا في عرضك
يكون قبري تراب أرضك
أنا عاشق تراب أرضك
-----------------------
التجربة
هتعيشي تاني التجربة
بنفس المعاني
ايه اللي شايفاه أختلف
جايز أسامي
مضمونها واحد واحسبيه
ما اختلف يمكن كتير
طب راجعي قلبك فاهميه
صعب لو نفس المصير
قوليله يقسي ويحتمل
سهل عادي وقول يهون
مادام مافيش شئ اختلف
ونسخه مكرره بكربون
بلاش تعيدي التجربة
وانتي جرحك مانتهاش
لسه دمعك فوق خدودك ماتمسحش
بلاش يكون حلمك جنين
جوه رحمك ما أتخلقش
حلم غالبها الامومه
وانتي مستنيه يوم
تسمعي كلمة ياماما
من شئ اساساً ما اتوجدش
حمل كاذب ايه دليله
ارجعي لقلبك قوليله
لو قال بحبك ما تصدقش
-----------------------
حلم مجنون
أنا القلب اللي عاش يحلم
لقاكي في يوم
لقيته محال
كأنه خيال
وحلم في نوم
وخايف اعيشه
في يوم واقع
برغم القلب فيه دافع
لكن خايف
ومش عارف
خيال يبقي اقوي م الواقع
أنا مصدوم
انا محتار
مابين قلبي
انا وعقلي
فقلبي يقول
انا عاشق
انا مفتون
وعقلي يقول
بلاش تهرب
من الواقع
شاور قلبك
كده وراجع
بلاش حلمك
يكون مجنون
----------------------
مواضيع مماثلة
» موسوعة شعراء العاميه المصريه / محمد الفاتح محمد فؤاد
» موسوعة شعراء العاميه المصريه /محمد عطوه
» موسوعة شعراء العاميه المصريه / محمد العتر
» موسوعة شعراء العاميه المصريه / محمد كشيك
» موسوعة شعراء العاميه المصريه / محمد بغدادى
» موسوعة شعراء العاميه المصريه /محمد عطوه
» موسوعة شعراء العاميه المصريه / محمد العتر
» موسوعة شعراء العاميه المصريه / محمد كشيك
» موسوعة شعراء العاميه المصريه / محمد بغدادى
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى