موسوعة شعراء العاميه المصريه / محمد حسنى توفيق
صفحة 1 من اصل 1
موسوعة شعراء العاميه المصريه / محمد حسنى توفيق
الاسم :محمد حسنى توفيق
تاريخ الميلاد :١٩٦٤/١٠/١٠
النصوره
عضو اتحاد كتاب مصر
رئيس نادى ادب روض الفرج
مدير النشاط الثقافة _قصر الفنون _ ساحة دار الاوبرا
الاصدارات:_
ليل القاهره _ شعر _ الهيئة العامه لقصور الثقافه
المغنى _ شعر _ الهيئه العامه للكتاب
الحلم لما ابتدى يحبى _ شعر_ دار ابداع للنشر
واد مجنون _ شعر _ الهيئه العامه للكتاب
الجوائز:
المركز الثالث _ المسابقه المركزيه لهيئة قصور الثقافه ١٩٩٧ عن قصيدة ليل القاهره
المركز الاول لديوان شعر العاميه _ جائزة كتاب الجمهوريه _
الدوره الاولى
جائزة الدوله التشجيعيه فى الاداب _ عن ديوان الاغنيه بالعاميه المصريه _٢٠١٢
ذاكره
حاسس كانى بنطلق
راكب حصان الذاكره
والقاهره....
متزوقه
بوشوش بتضحك ع الورق
متحدده
بروازها نافر م القلق
خينانى ليه الذاكره
والالف مدنه
الف بقعه م الدما
متالمه
تبكى على عتب الحسين
وفى مشهدك يا سيده
متغسله
متكفنه
شيلينها كل النخاسين
طالعين بسرعه ع الامام
يتاووها جوه قبرها
فاقت وهيا فى الطريق
يزعق لسانها بالادان
لكن ادانها مش لنا
ادانها للى بيخرجو بره الرحم
واقفين ملاية ربنا
بيبصوا فى قلوب اللى مروا ويكتبوا
اول شهاده للميلاد
راجعه لى تانى الذاكره
بتعيد شرايطها القدام
وتعيد مقاطع م الكلام
ف اتذكرك
منتيش ملاك
ولا كنت ليكى فى يوم نبى
ولا كنت واحد م الصحابه
انما
قلبى غبى
كللى غبى
علشان بشوفنى ف سكتك
ضلايه ملهاش عوز
مع انى عايش جوه قلبك
توته طارحه الف جيل
والعيال ما بتعرفوش
منتيش ملاك
وانتى اللى سقيانى الهلاك
ومبيتانى ع العتب
وكانى واحد م العبيد
مع انك انتى من زمان
فاتحه بيبانك للغريب
ذاكره
حاسس كانى بنطلق
راكب حصان الذاكره
والقاهره....
متزوقه
بوشوش بتضحك ع الورق
متحدده
بروازها نافر م القلق
خينانى ليه الذاكره
والالف مدنه
الف بقعه م الدما
متالمه
تبكى على عتب الحسين
وفى مشهدك يا سيده
متغسله
متكفنه
شيلينها كل النخاسين
طالعين بسرعه ع الامام
يتاووها جوه قبرها
فاقت وهيا فى الطريق
يزعق لسانها بالادان
لكن ادانها مش لنا
ادانها للى بيخرجو بره الرحم
واقفين ملاية ربنا
بيبصوا فى قلوب اللى مروا ويكتبوا
اول شهاده للميلاد
راجعه لى تانى الذاكره
بتعيد شرايطها القدام
وتعيد مقاطع م الكلام
ف اتذكرك
منتيش ملاك
ولا كنت ليكى فى يوم نبى
ولا كنت واحد م الصحابه
انما
قلبى غبى
كللى غبى
علشان بشوفنى ف سكتك
ضلايه ملهاش عوز
مع انى عايش جوه قلبك
توته طارحه الف جيل
والعيال ما بتعرفوش
منتيش ملاك
وانتى اللى سقيانى الهلاك
ومبيتانى ع العتب
وكانى واحد م العبيد
مع انك انتى من زمان
فاتحه بيبانك للغريب
مدام خطيت
بلاش ترجع
انت اشتهيت السكه والمشاوير
وانت اللى صور لك خيالك
تتمللى فى عنيها
هيا يادوب لحظه
ووقعت من فوق الفرس
لا بقيت عنتر زمانك
ولا استويت على عرشها سلطان
شوف الحقيقه المره يا غلبان
بقيت شاعر
ودرت بربابه
غنيت غنا بلدى
غنا ممنوع
غنا يوجع
لكن ومين يسمع
لبست توب الخيش
وبتحلم بلقمة عيش
وهيا ولا سامعه
القلعه بصالك من فوق جبل عالى
واتابك العسكر
خيله نازلالك
سيدى الرفاعى خايف تهوب له
وجامع السلطان قال لك بلاش دوشه
انزل هناك وسط الهاموش غنى
سوق السلاح بيشغى بالعسكر
حراميه بالميرى
حاصروك بكام اورطه
هربت على مجرى العيون
السور قفل بيبانه قدامك
تاخد فى وشك على جامع ابن طولون
يبصلك شزرا
يترعش قلبك كما القنديل
السيده تعطف عليك وتنده لك
تقعد قصاد المقام
تبكى وتتندم
__حبيتها ليه ؟
تبكى
_ حبيتها ليه؟
تبكى
عمر البكا مايرجع زمان فايت
مصر القديمه انطفت وخلاص
مصر الجديده سممت حلاوة المولد
والنيل عجوز خيبان
بيتعكز على خصيان
والقاهره....
حلت شعورها وسلمت حزام عفتها للاغراب
بطل بكا
بطل بكا
لسه القرافه
بينك وبينها بيوت كتير
فيها الحياه بتطل ع الشارع
عصفور طليق
خارج دواير محنتى
لابس تيابى وسحنتى
وبيحبى لسه ع الطريق
نفس ابتسامتى اللى اتمحت
وبفعل فاعل كان غبى
نفس الطفوله والعبل والاندهاش
ناديت عليه
يقلب دوايرى مثلثات
قاللى بلاش
رسم الدواير ع الخرايط
مهنة صاحبنا العسكرى
امر مطاع
ورغيفه كان الليل قناع
وانت اشتهيت المساله
لكن محلتهاش
استطعم السيف الصدى يحلم
كتل الحجاره بتنسلخ من تانى ناس
لكن الاساس فى المساله
ان الحصان اللى كبا
لسه ما ماتش
فاكر
كان التوحد لعبتك
بتوحد الوجهين فى تاج
محتاج تلم الشخبطه
ارضك يا صاحبى محتواك
زمان
غصبوك تكون منهم ابيت
نصبوا المدافع ع الملا
كسروا لك الانف الابى
لكن ملامحك اجبرتهم ع الرجوع
اما النهارده الرفض كان معناه تجوع
كتب التاريخ جواك
برديه لرجوعك
افرد قلوعك وانطلق
احمس رمسيىس او اخناتون
اطرد نتوؤات الهزيمه وانتشى
ايزيس ع الشط يا صاحبى .. بتستناك
مواضيع مماثلة
» موسوعة شعراء العاميه المصريه / محمد الفاتح محمد فؤاد
» موسوعة شعراء العاميه المصريه / محمد عبد القوى حسن
» موسوعة شعراء العاميه المصريه /محمد عطوه
» موسوعة شعراء العاميه المصريه / محمد العتر
» موسوعة شعراء العاميه المصريه / محمد كشيك
» موسوعة شعراء العاميه المصريه / محمد عبد القوى حسن
» موسوعة شعراء العاميه المصريه /محمد عطوه
» موسوعة شعراء العاميه المصريه / محمد العتر
» موسوعة شعراء العاميه المصريه / محمد كشيك
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى