موسوعة شعراء العاميه المصريه / محمد ناجى حبيشه
صفحة 1 من اصل 1
موسوعة شعراء العاميه المصريه / محمد ناجى حبيشه
حلموس
جه في يوم شاعر وقال لى إرقينى
حاسس إن عينى عايز تطلع منى برّه
قلت إيه يعنى أ ما تطلع
ناس كتير راح تستريح م المضرّه
قال عشان خاطر أبويا
أخذت ودنه بين إيديا
ورحت أقرأ
سمعت جنّي من اللى جوّه صرخ
وقال طلعّنى برّه
تعبت منه
شدنى واكفينى شرّه
هدّيت العفريت وقلت
احكى لى يا لله
ليه دخلت دماغ أديبنا
قال لى هتصدقنى غلطة
إنت عارف اللىّ زيى جنى صايع
كنت قاطر بنت حلوة
جنّى تانى خطفها منّى
قلت أقعد اسلّى نفسى
وأشد شيشة
لقيته نايم
وشّه حلو وفيه طفولة
رحت داخل جوَّ جسمه
قلت هتصيبى المسره
من ساعتها وإحنا ما بنرتحش مرّة
شغل ليل ونهار بنجرى
أصله بيشغلنى سخره
قلت عندى شرط واحد لو ها تطلع
خدنى "مالطه" عشوه وتسهرنى سهره
قال عينيّة
إلنهارده قبل بكره
عيّط العفريت وقال لى إنت شاعر؟
حظى أسود أمّى داعية عليّ باين
السنه دى مكفهرة
لما أطلع م الغرق أنزل في نقره
قبل ما ألبيس جسم صاحبك
كنت أطلّع الجمل من خرم إبره
النهارده لما هطلع خدنى
واسحبنى لأخويا
وحلّفه يعمل لى عمره
يقطع الشيشة وسنينها
يقطع اليوم اللى شفته فيه ساعتها
والنبى تطلعنى منّه روحه غابره!
واحلف إنّى عمرى ما أدخل جسم شاعر
فتوى طلعت من شيوخنا
اللى يدخل جسم شاعر جنّ عرّه
انت عمرك شفت جنى جوا إنسي
يعيش في ضنك وعيشته مرّه
بعد ما اطلع أوعدك
أدعى على صاحبك إلهى يجيله فرّه
أما أنا بطّلت شغل خلاص تعبت
وهستكين واسكن في جرّه
شكر لله |إنه طلعنى من البلوى
هروح مكة وأعمل ألف عمره.
حادثه
كلب اتخبط من عربية
قعد يلف شمال ويمين
اربع كلاب اتلموا عليه
معرفش دول طلعوا له من إين
جه كلب قرمنت صغيّر
قال له إللى خبطك ده من وين
الخبطة دى هكتب عنها
الخبطة شين حالتك مش زين
أنا أصلى سمّاوى ومسعور
وهطلب الديّة من العين
مفيش تصالح ولا غيره
الكره مالى الدنيا طنين
حرمونى من أمى صغّير
مزاجى زفت وزى الطين
قول قبل ما تموت وبسرعة
سيارة مرسيدس ليموزين
خبطنى واحد م الوادى
ما تقول يا حزين
الكلب قال ابعد عنى
بطل نواح يا غراب البين
عايزها تولع يا بن الكلب
بتحط ع النار ليه بنزين
اصل إنت شارد طول عمرك
إبعد بعيد محنش ناقصين
جه كلب تانى وقال له ابصم
إن احنا ورثة وشرعيين
والديّة نقسمها علينا
ونقول عليك مت في حطين
قصة حياتك فيها كفاح
اربع كلاب وأهم شاهدين
حّطين يا كلب انت وهوه؟
احنا في رفح اّه يا منافقين
جه كلب وولف وقال له اسمع
مراتى وابنى عليك خايفين
ما شفوكش من مدة وعايزينك
تروح لهم بين القصرين
ما تشد حيلك بقه وانهض
بيقولوا عنك كلب متين
قال إمشى قول لها مش رايح
يلعن أبوكو انتوا الاتنين
جه كلب يصرخ No problem
هحلها وانتم عارفين
هقول إصابة عمل أسود
واختمها بالنسر يا حلوين
والديّه عايز( اّخذ فيها) واعمل حساب اثنين تانيين
الكلب قال عمرك عايش
تنهب وتسرق في المساكين
الكلب نادى على زمايله
قال اسمعوا يا ولاد ستين
صحيح بجد كلاب تقرف حتى ولو لبسوا الفساتين
بتوع مصالح من يومكم وملعونين ليوم الدين
الخبطة دى خبطه بسيطة
مش حبّه ديّه ولا جرانين
عدّيت طريق والضوء أخضر
وكسرت للسواق فانوسين
سيارة أجرة شمال سيناء
وهعوّض السواق دا من اين؟
جريتوا ليه يا ولاد الكلب
عرفتو انكوا مش قابضين
محمد ناجى حبيشه
فار الأسد
الفار وقف على ديل أسد
وضحك وقال ليه الحسد
هوا صحيح إنت الملك
بيخوفوا بيك البلد
بتنيّم الناس في الجحور
بتدوس على أجدع ولد
الغابة تصرخ من لقاك
الكل عايش في الكمد
ما ترد يا بن "القطة" قول
لعنات عليك من غير عدد
قوم بص شوف ايه قصّتى
ا
اا
ع
اس اااا ولا عينيك صابها الرمد
اسمع لنننننننننننننننننننننننننننا واللا ودانك سدّها صوت الهدد
عايش في وهم الصيت
وراسنا منكّسة عند الأسد
الحكمة تحكى مفيش عظم
يفضل معظم للأبد
فين همتك فين صولتك
ليه لبّسوك حبل المسد
يا خسارة كبرك ضيّعك
د
و
الخلق عدك كالحمير داقق لكل حمار وتد ضيع مهابتك للأبد
د
إياك تقول أنا فار صديق
وركبت أشوف حال البلد
الدنيا يا بنى اتغيرت
والفار ركب ظهر الأسد
ميت يموت تانى
لأول مرة أشوف ميّت يموت تانى
وأنا اللى مكفّنه بايدى
وغطّيته بوجدانى
وقلت خلاص قضا ومكتوب
ونا مت فيّ احزانى
وفجأة لقيته قدامى
وروحه لروحى وخدانى
لمست إيديه ومستغرب
حرارة إيده حرقانى
شعاع بيبص من عينه
شعاع لامع وربّانى
أخدنى الخوف وقلت
الشعر جنّنى وسوّانى
همست في ودنه كام كلمة
غريبة ودانه سمعانى
وقام يحكى وسمّعنى
كلامه الحلو من تانى
بإذن الله صحى الميت
وقال الشعر صحّانى
دخلت ضلوعه من شوقى
وقتل لروحه وحشانى
ضحك ودخل في غيبوبة
صرخت وقلت مات تانى
محمد ناجى حبيشه
مواضيع مماثلة
» موسوعة شعراء العاميه المصريه / محمد الفاتح محمد فؤاد
» موسوعة شعراء العاميه المصريه / محمد كشيك
» موسوعة شعراء العاميه المصريه / محمد مفتاح
» موسوعة شعراء العاميه المصريه / محمد بغدادى
» موسوعة شعراء العاميه المصريه / محمد الدليل
» موسوعة شعراء العاميه المصريه / محمد كشيك
» موسوعة شعراء العاميه المصريه / محمد مفتاح
» موسوعة شعراء العاميه المصريه / محمد بغدادى
» موسوعة شعراء العاميه المصريه / محمد الدليل
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى