موسوعة شعراء العاميه المصريه /الامير اباظه

انا وأمي بقي لنا سنين
ما شوفناش بعض
ولسه كمان سنين وسنين
ليوم الوعد
يوميها كمان مش عارف
ها اشوفها فين ؟
وترجع تاني ايامنا
أشوف السعد
ف يوم الوعد
كانت “,” بشري“,” لكل الكون
تبات الليل لنور الفجر
سهرانه ..دعا وتسبيح
تصلي الفرض في ميعاده
كانت تسهر لحد الصبح
تقوم تدعي لكل الناس
خشوع حساس
كانت ليا نسيم الروح
وروح الروح
كانت تصحي
تغطيني ف عز الليل
تدفيني .ف عز البرد
كانت تحلم عشاني كتير
واحلامها تاخدني لفوق
تهنيني
أروح لبعيد .وأرجع تاني
تهديني سلام الروح
حنان القلب
اللي ما يعرف شر
ولا بتتغر
ولا بتغريها دنيتنا
تاخدني لفوق ف احلامها
ف أحضانها
مشاعر دافية وعفية
وجاني يوم
شفت عينيها مرضانة
وزعلانة
وحبة قلبي تعبانة
وعيانة
قعدت حزين
خدت عقلي وروح قلبي
واحساسي
خطفها الموت
وسابني وحيد
بلا أحلام .ولا أيام
ولا انغام .ولا ايدين
بقلب الرحمة تفديني
تغطيني .ف قلب الليل
تدفيني .ف عز البرد
تهنيني
بنظرة حب رباني
وبعدك عني رباني
يوميها صحيح كان نفسي
أموت وتعيش
وتفضل وردة ريانة
عبير للكون ..لكل الكون
ويفضل نورها جوايا
ينور لي طريق الخير
لكل الغير
لكل الناس اللي عرفوها
وشافوها .. وحتي الغير
كانت “,”بشري “,” طريق النور
ويرسملي ملامح نور
ونور علي نور
بقيي لي سنين .علي دا الحال
أردد بيني وبين نفسي
كلام موال
فضل عايش في وجداني
يرجع لي أحلامي
ويسحب مني احزاني
مع الأيام
بقت ذكري في وجداني
بقي لي سنين
أنا وهيه
ماشوفناش بعض
ولسه كمان
سنين وسنين .ليوم الوعد
وانا عايش في احضانها
واحلامها .. بقي لي سنين

أنا وامي
---------------------------------------------------



احذرك
من حب حبي اللي ضاع
من قلب قلبي اللي باع
أحذرك
من يوم أفضل .الوداع
عن اني أعيش لحظة معاك
في ضل حيطة أو مكان
أو حتي يجمعنا زمان
من عند قلبي والأسية
بعد اللي راح .واللي كان
قلبي الحنين غيره
حيرتي معاك
حبي اللي كان ضيعه
هجرك هناك
من يوم مارحت تودعه
أيه ضيعه؟
غير غدر قلبك
للي كان
بيني وبينك من زمان
أحذرك
من كتر خوفي
كان عليك
انك تقدر اللي كان
والا الزمان غيرك
بدل الشوق بالأسية
وحب قلبك كان سراب
كل المشاعر القديمة
كانت عذاب
آ ه م الغرام . لما يدوب
ف عنًد قلبين التقو
علي المحبة والغرام
جمع ما بينهم الهيام
حنين وشوق
ودنيا تانية ف الفضا
فوق السحاب
بنيت قصور .. وهدمتها
وجنة تانية بين ايديك
كنت اسهر اتكلم عليك
مع نفسي والكون والصحاب
ما خدت منك غير عذاب
وحيرة صعبة ف الغياب
أحذرك
قول بس انته .. كنت فين ؟
هاجر سايبنا . لمين وفين ؟
وكام قلوب دوبتها
وعيون بريئة جرحتها
أحذرك
من غدر قلبك . والزمان
من حلم ضايع .مهما كان
من قلب بايع
م اللي كان
أحذرك
مهما تبرر اللي كان
أوكان يغرك الزمان
أو يقسي قلبك .
عا اللي كان
بيني وبينك من زمان
يا حلم ضايع مهما كان
أحذرك
من قال وقلنا م الكلام
المر منه .واللي كان
من غدر ناصح
مهما كان

أحذرك
--------------------------------------------



اه م الحنين


الحياة مش ذكريات

عشان نعيش في اللي فات

لكن احنا بس طبعنا

نرجع نعيش في الذكريات

حكاية حلاها الزمان

ماكانتش حلوة لما كان

بنعيش يوميها عمرنا

لكن الحنين

خلاها احلي م السنين

واهي ذكريات

نمر بيها كلنا

نهرب اليها م اللي كان

نغص حياتنا كلنا

ننسي مشاكل عمرنا

ونقول دي أيام سعدنا

آه م الحنين

ياريتني أهرب م اللي فات

وابعد كمان عن الحنين

لأيام دوبها الزمان

كانت أمر من السنين

لكن اعمل ايه

آه م الحنين

والذكريات

يالا نعيش عمرنا

حلوة ومرة .. سعدنا

بلاش نعيش في اللي فات

نغرق كمان ف الذكريات

آه م الحنين

الأميرأباظة

27/9/2015

---------------------------------

حبيبى قالى


.... حبيبي قال لي والنبي

مافيش حنان علي كوكبي

طب هوكان فين الحنان

لما هجرني من زمان

وفات فؤادي هناك وحيد

يبدأ حكايته من جديد

انت الحنان انت الحنين

ياقلب دايب من سنين

طب ماحنا دوبنا الزمان

وروحنا ندور عا الحنان

سنين ورجعنا الحنين

لقلب شفته من سنين

علي شاشه بيضا منوره

حبيت ياناس وقلبي داب

في بنت حلوةصغيرة

خطفها مني وراح غراب

وفضلت عايش ف العذاب

مع اني بس شوفتها

وماكنتش اعرف اصلها

فاتت سنين وجت سنين

وقلبي عايش ف الحنين

دايب ياناس في حبها

مع اني بس شوفتها

علي شاشة بيضا صغيرة

الأميرأباظة

27/12/2015

--------------------------------------



علمتينى اخاف

...

كانت الدنيا

4تخاف من ضِلّي

علمتيني أخاف

لما بتخرج

كات بتقولّي

عمري ماكنت بخاف

علمتيني أخاف م الدنيا

ليلي نهاري بخاف

علمتيني أخاف من بكرة

بعد ماكان بيخاف

لما يقرب ييجي يقوللي

أيوه كان بيخاف

أول ما اصحي

عليكي بنادي

قلبي صبح بيخاف

خاف والله لأول مرة

علشان قلبك الاخضر خاف

علمتيني أخاف

---------------------



رصاصه

جت لك رصاصة

من جدار الخوف

راجع مرايتك

لسه ياماتشوف

الخوف ملانا حذر

والجبن مابيشوف

جدارقلوبنا اتهدم

ومرايتي

صابها خوف





ناقد سينمائي مصري،
شاعر
امين صندوق اتحاد كتاب مصر
رئيس شعبة العاميه سابق بالاتحاد
رئيس مجلس ادارة جمعية كتاب ونقاد السينما
رئيس مهرجان الاسكندريه السينمائى
عضو مؤسس بالمجلس المصرى للشعر العامى
عضو مجلس ادارة جمعية مبدعى مصر
من مواليد محافظة الشرقية،

تخرج من كلية اللغة العربية بجامعة الأزهر عام 1984،
شارك في الكتابة في الصحافة والنقد في العديد من الصحف و المجلات المصرية والعربية.
شاعر
امين صندوق اتحاد كتاب مصر
رئيس شعبة العاميه سابق بالاتحاد