موسوعة شعراء العاميه المصريه /على عبد العزيز

القصيده الاولي .....حي علي
لاجدي غازي اجنبي
ولا عيلتي من بيت النبي
ولا حتي من كهانه امون
فانا ايه اكون
غير فرع من واحه اترامي
في الدلتا نبت عود طري
اخضر اذا بدء الغنا
في الازمه يبقي شديد قوي
مولد في حي
قول عنه كل للي انت عايز
بدون حخجل
فيه الطيبه والعبط
فيه الشطاره واللغلط
كل اللبط
ماهو كرنفال مليان حاجاتنا
ناس مبسوطين وناس تبات
تعد ايام شهرها
وناس بتصداتةرزقها
من خرم ابره وقعر بير
ودول كتير من بياعين
الاوتارى لعربجيه للشيالين
لفواعيلي كل عدته اجنه وشاكوش
وعيال بتملا الحوش تحيه للعلم
معلقين شنط قماش من نفس توب المريله
شوفتش شقاوه المعياله
مجعونه بشويه شقا
جدران بيوت متشققه
تمايل فتسند بعضها
في حزنها وفرحها
وبيتنا كان علي ناصيتين
قدامه خرابيت غويل
سكناه دايما حديات
من بعد مراجيح كل عيد
اخاف لتخطفني تطير
زي كتاكيت الجيران
اجري استخب في اللحاف
منها ساعات وساعات من
البرد للي جاي اطول شويه من الغطا
قالو الحياه اخد وعطا
طب ليه معنا مصمطه