موسوعة شعراء العاميه المصريه / الجميلى شحاته

[url=][/url]



غجرية
بحبك
قد كل الكون

وقد جنوني

وجنونك

وقد العشق

والعشاق

بحبك .....

والبراح دَوًت مابيسعنيش

وأنا مشتاق

بحبك

حب حراس السما للرب

واحبك بنك مجنونة

وغجرية

وطيبة الدنيا ملياكي

وكلك قلب

بحبك

باختصار ع القد















ميدان سيدنا الحسين



تحف أنتيكات
وستات بتوع اللي بالي وبالك
وكولا ... وبيبسي
وبيره ... ووسكي
ومزة سوداني مقشر
وشيبسي
وباقي الحاجات
ونسوة بتعرف تجيبك
وتاخد ما بدك
خواجة يلف ف ميدانك
بدون أي داعي
ومداعي
وعرايس
وداعية
وداعي
بتاعك بتاعهم
ما فيش أي داعي
نوضح
لا يطلع ولادنا ولادهم
ونخلط دمانا ف دمائهم
وتبقى بلدنا بلدهم
واحنا ولاد الحضارة
منارة
يا سيدنا
منارة ومدد
ف حيك ...
تملــِّي باشوف العجب
واملي واكتب
واكتب واملي
قهاوي كتيرة
وعصابة لخطف الصبايا
وعالم بتمسح دماغها ف ترابك
وعالم بترمي
همومها على عتب بابك
ومولد ...
وزحمة
وعالم بتجري ف ميدانك سعيدة
وأنت الوحيد الحزين
مدد يا رفيق الحيارى
مدد
مدد يا حسين
يا عالي ومالي مكانك
منور قلوب العذارى
وفاتح بيوت للغلابة
بحيـَّك
مدد يا رفيق الغلابة
مدد
بحيــَّك تملــِّي باشوف العجب
تحف انتيكات
وستات بتوع اللي بالي وبالك
وبيرة ووسكي
ومزة سوداني مقشر
وشيبسي
وباقي الحاجات
يا ساكن بلادنا
وقاعد حزين
حزين الـــ ما شافك وطافك
حزين
حزين الــ ما متــَّع
شبابه ف ميدانك
حزين
زيارة لحيــَّك
تبارك خطانا
وتمسح ذنوبنا الكتيرة وخــَطــَانا
تطهر قلوبنا
وتغسل نجاسة بدنــَّا
وحلوقنا تجف
مدد
يا رفيق الحيارى
مدد
في حيــَّك تملــِّي باشوف العجب
تحف انتيكات
وشيشة ...
وآخر موضات البنات
وعاشقة ...
بتدعي في ليل الخميس المبارك
دعاء التجمع
ولاجيء
ولاجئة
لضريحك
يا طيب
وناصف الولاية
إذا هب ريحك
يجي لنا المدد
مدد يا رفيق الغلابة
مدد
مدد يا حسين
مدد يا حسين










لبوم صور
لامم كتير م الذكريات
شايف عليه كل الكلام
اللى اترسم فوق الشفايف
فرش المشاعر ع الحيطان
حاضن باديه
حلم البنات والولد
والورد لما نقسمه تقاسيم
ألبوم صور
شايل كراريسى الغبية
والقلم والسلسلة
لامم طابور المدرسة
حاضن حبيبة عشقها
لساه فى قلبى
لساه مخبينى ويدى ف يدها
ألبوم صور
والبنت " نعيمة " شخبطت ع القلب
غزلت من الغيرة قميص أبيض
البنت " نعيمة " مستحيل تنكره
البنت " نعيمة " مستحيل تنحب
ألبوم صور
نايم مع كل البنات
ومصنف العشاق
وانا حواديت
لسانى شايف فيه
شقاوة شنطتى
والدرج الاعمى اللى اندبح
حلمى فوقيه
وابويا لما يلمنا جنبه
أنا كنت شايف فيه ملامح
أولياء الله
كان له مدينة وحزن
ألبوم صور
لسانا فيه
ما اتلونتش شفايف البنانيت
ولا دقون الاولاد
ولا كنا نحزن ع القصيدة
البنت " نعمة ط علمتنى حاجات كتير
حدوتة أمى اللى اتنست
يا هل ترى
تنسى شقاوة عشقنا ؟
لساها بتحس بصداع من ضمتى
دخلت فى ألبوم صور
والاها القصايد
هربتها من الحياة