موسوعة شعراء العاميه المصريه / مامون الحجاجى

[url=]
مامون الحجاجى[/url]




ملهش آوان

أنا المحبوس كما الدمعة
وهى من باب العيون هاجه
يدوب شافت طلوع الضى
قامت ف العشق تتهجى
لاكانشى آوان يهل ربيع
لكن شجرى طرح منجه
شافتها وقعت لى من طولها
ومشت ف الطريق عرجا
لا قمر للونس بالليل
وواقفه عليه تتحايل وتترجى
دمعتى مقطوعة من شجرة
بلا أهل وبقيت للملأ فرّجه
والفبن آه ف الوداع واقفين
ومنه لا ملجأ ولا منجا




غيم حميم

حوّش غيابك
وعلى السنين العجاف
اصرفه
حضّر لها جن اشتياقك
ولو طال غيابها
اصرفه
الحزن سابق ع الدموع
والا كان جاى لى بعدها
والحقيقة إن أنا
اللى مش قادر
على بعدها
قل للنجوم لا بعدها
إحنا مش محتاجين الليلة ضى
النغمة طالعة من الناى
ليه كده مجروحة
وف البرواز شرخ القزاز
خلى صورتى مجروحه
وف شهادتى اللى مجروحة
ليه تمللى ف كل ليل
سلالم العمارات تضلم
والشوارع تشكى وحدتها لمين
يا أيها الحالمين
بصبح متأخر مدة من السنوات
مين هناك ؟
جاى وماسك ف إيد فيروز
ف ليل جمعة
كاره ليوم السبت



ويمكن أقل
سنتين وبس
يكفوا الحياة إنها
تتخلص وللابد
من ريحة الشياط
اللى ماليه المكان
سنتين
ويمكن أقل
وكل شيىء يروح لحاله
البياعين تنسى شكله
والبنات تتلخبط ف اسمه
والقهاوى
وبتاع الورنيش والحلاق
سنتين الا حاجه بسيطة
ويكون بامكانه
زى عوايده
يجرى ورا عربيات الرش
والنار ماسكة ف كومة قش
ويستخبى لما كرته
تكسر قزاز شباك الجيران
ويسيب الزباين ويجرى
لو شاف سنيورة ماشيه
سنتين ياناس
بعد خروجك م الإصلاحية
السجن بره السور
واسع و أكتر ما عيونك تشوف




الطاهرة

فى حضرة الطاهرة
كما ضربة النبوت
المنشدين فى الذكر
روحى متعلقة فى المقام
دايسه على زرار الريموت
تشبه لمريم
المنجبة وهى بنت بنوت
والهجرة تمت
لما نسج عنكبوت
************************
عشقك رفع قدرى يارفيعة القدر
وانا حلمت بضحكتك
ف ليلة قدر
عيونك ف روحى علّمت
وانتى باصه لى
داوت جروحى
ونفسى اللى مكسورة
اللى ف الصورة
لحد امبارح كان بيشبه لى
وانتى الورد يشبه لك
ف كل اوان
ياروح البهجة ف الألوان
تعلمنى الثبات
ف خيانة الاعوان
*****************
ياروحى اللى ما حدش حس
لما ابتدى نوحك
يا صحبة ورد
لصاحبة ورد اللى
لما حضر الطوفان
كنت أنا نوحك
اعدلى الدفة لو تميل منى
أنا باستجير بيكى
وعمرى قبليكى
زبد للبحر
عيون الخلق طالعة يوم الزينة
وأنا كنت عدتها كمان للنحر
يا حاملين الدفوف
وشايلين الرايات الخضر
قلبى اللى شاف الخضر
لكنه ف وسط الزحام
ناه منه




فخاخ
نحتاج لأسئلة أكثر
لنثبت فشلنا فى الحساب
ونحتاج لبحث أكثر عن الورد
لنعترف بأن الجدب أتى
ولنظارة طيبة أكثر سمكا
لنوقن أن العمر ولى سريعا
ومريرا
دون أن يمنحنا فرصة
لمغازلة حسناوات أكثر
ونغض الطرف عما بداخلنا
من حريق
وعن شتاء لم يهبنا محبته
نحتاج لمعجزة
تجعل أحبتنا يعرفون
ويفهمون
ليكونوا أكثر ودا
لنحتاج لوقت أطول
لنرتب فوضانا
لنمر على التفاصيل الصغيرة
دون جراح تنزف
ودون شراك أو أكمنة وفخاخ





الجميله
بينى وبينك سما
وكام الف م الفدادين
أنا اللى خدتك لغة
وأنا اللى ارتضيتك دين
صب لى كاس تانى
بمكن ساعتها انسى
اننا كنا متواعدين
قلة البحت دى
والا الفراق مفروض ؟
زاد الطلب يا قلة المعروض
ف الصحرا
كان ودى احيب لك وردة
لكنى اتمليت بقروض
ياورد فات ع الندى
راح بص لك
يا طاهرة الخدين
انا ف فتوحك عمرو
واخد دموعك أمر
وايه الجديد ف الأمر
ياطرف توبى اللى مسه الدرن
وأنا لساى متوضى
كل الكلام له رد
وكلامك له ردين


وت امير ( لحد ما تمر الجنازة من شارع التفتيش ) إلى/ محمود مغربى
لا عمرى ناديت عليه
يا خلق ومسمعنيش
ولا رد ايد ماسح الورنيش
يا محمود ما تفتريش
وموت عى قدك
موت على قد حجر الشيشة
ولقطة التصوير
**********
موت أمير
على قد ما ترد على سلامات بنات
باصين عليك م الشيش
يا حظ ما اختارنيش
غير ف البكا
ف لمة الحرافيش
وصورة بصمتك ف الفيش
يا عمر ضاع ف مفيش
ودمعة اختصرها أفيش
اصرخ وقول يا شاويش
أنا عمرى اتسرق منى
************
ماشى من غير ما ترمى السلام
على سيدى عبد الرحيم
عشان تبقى من جملة المراحيم
دلوقتى بس عرفتك
وحالا عرفت
مكتوب لى اعيش
ابكى وما تحوشنيش
أبكى ولا صعبت عليك
رد البيبان ع الحضرة
لو يبتدى الذكر للدراويش
وللى قافلين دكاكينهم
لحد ما تمر الجنازة
ف شارع التفتيش


معاملة الأميرات

كان يجرى ايه
لو كنت كدبت روحك
كمان مرة ؟
ازاى مستنيها وهى البعيدة
ترمى روحها ف حضنك؟
وخدها كلمة ف ودنك
قلة البخت ليها
ف الدنيا دى أمارات
وانت اللى جاهل
ف معاملة الأميرات
وخجول بشدة
ف مواجهة الكاميرات
راجع نظرتك قبل ما تشوفها
سبع مرات
يابخل روحهم اللى كانوا
ف الدنيا دى فمرات
مستعجلين والوقت عدى وفات
وماشيين على مهلهم
يملو كتب الذكرى والاعترافات
بيعتبروا الوجد م الخرافات
يارب
لو كتبت لى حج بيتك المعمور
مليش غير دعوتين
من فوق جبل عرفات
لا تحرمنى اشوفها قبل ما اموت
واسمعها وهى بتنادينى باسمى
وبعديها اكون فى جملة الوفيات


كان ف الإيد وضاع

إيه اللى كان ف الإيد وضاع ؟
اللى كانو ا ف مقام الأنبيا
والأوليا
وطاهرين زى الملايكة
والصبح البرىء
بقيم وضاع
إيه اللى كان ف الإيد وضاع؟
وكل شيىء للبيع
من أتفه الأشياء ياناس
للبن الرضاع
ف لو فاضى؟
سلم لى ع الأحبة
اللى ناموا ف عز سهدى
اللى خانوا الليلة عهدى
واللى كانوا زى ديب... ربينه
قام كلنى لما جاع
ايه اللى كان ف الإيد وضاع ؟
الدنيا كانت بتلف بيا
وواقفه بيهم
أنا اللى كنت ف مقام نبيهم
كان نصيبى من الرسالة
خيبة الأمل والضياع
إيه اللى كان ف الإيد وضاع؟