موسوعة شعراء العاميه المصريه / محمد طاهر البرعى

[url=[/url]





دفيت ف عيونك برد الخوف..
ورميت من نخلة عشقك.
ليل..
وكفيت على وش البنت.
الصبح.
مش كل ولاد الحته شافوه.
كان عارف ان النور مش نور
وادين بتلم ف حجر الروح
وانا فوق
على طرف النخله
فكيت الحبل
وندهة الطير.

------------------------
* من قصيدة*
ابجديات الوصال**
مركب وصالك
حته م التكوين..
يا بحر يا فضه
فاضى انتباهك . والهزيل
جسدى.*
من عهد عشقك ف البراح..
وانت جلادك..
مصلوب على وتادك..
ومقسم الموجه
اعلى م فيك ..
زروة البوحه
وهيكل التكوين..
لو اغزل البحر المحيط . بيا
رحا لبسك روحى..
واموت وحيد.....
------------------------

من غير م تمد ايديك..
بتطبطب روحى.
فيا شمس/ بتدارى عيونك
ف الدوران
صرحينى..
ولانى بعيش ف ادين الرعشه..
وحضن الخوف.
لمينى.
م نا لسه معدى السكه
وزفة موت..
وقوليلى..
الفرح م بينى وبينك بس
ولا طبل ورقص
وانا اخر واحد
ف المعازيم ..