موسوعة شعراء العاميه المصريه / على حزين

[url=]
على حزين[/url]



                               أنا مش عبيط
                                                               بقلم  / على حزين
أنا يا ناس إنسان بسيط
وديماً ماشي تحت الحيط
طيب وحنون جدا ومسالم
حساس ومليان احاسيس
واللي في قلبي علي لساني
وخجول جدا وبسيط ..
*********  
بعشق نجوم  الليل ..
والسما لما تبكي
والبحر
والشعر والمواويل
والسفر مع أنثي جميلة
في عينيها مشوار طويل
وهدوء جميل ..
تحكي بالجملة
ومن غير تقسيط
*********  
شكلي مش بطال
يعني ....مقبول .....
متدين بطبعي  وعلي الفطرة
من البيت للجامع ........
ومن الجامع  لل...........
ديمقراطي جدا ..
ومسالم
وغير متسلط ..
ولا سليط
*********
ابن حظ ونكته  ..
بحب الضحكة الحلوة
والكلمة الحلوة
والبنت الحلوة
وكل حاجه
حــ  .....لـــــ  ....و.....ه
واللعب والتنطيط
*******




                الناس معادن
بقلم / علي حزين
يوم الجمعة الموافق  8 / 5 / 2015
تمت في تمام السعة الحادية عشرة مساء
*****
الناس معادن
نزلت سوق الصحاب  
قلت اشتري صاحب
ينفع ساعة الشدة وع
الحلوة والمرة نتصاحب
لقيت زحمة ووجوه
متلونة وقفه بتتعاجب
سألت عن الأصيل
فين القيه  نتصاحب
قالوا  لي كان هنا
زمان منه كتير وذهب
أنا أبويا وصاني وصية      
وقت العلام والأدب
قال لي يأبني خالي بالك      
" الصاحب ساحب "
ومش كل واحد ضحك          
في وشك صاحب
ولا كل العلام يا ولدي            
تلقيه مكتوب كتاب
علام الرأس يا ولدي        
سبق علام الكُتّاب  
*******************
أبويا وصاني وصيه ...
قال لي طول بالك شويا
ولا ترد ابدأ للناس آسيه
وحسن الظن ديماً والنية
والصبر ع العدو شويا
دي الصبر يا ولدي عطية
ووعي من الغرور والانانيا
دي الدنيا يا ولدي فانية
وأخرتها ايه غير حفنة تراب
**********************
ياللي شايف نفسك والكبر ما ليك
نسيت يا واد نفسك والكبر ما ليك
ارجع يا واد لأصلك ربنا  يهديك
وأصلح يا واد عملك ربنا يهديك  
*****************************




وداع
بقلم / علي حزين
كفاية غش ... كفاية خداع
كفاية الم ... كفاية دموع
كفاية عمري ...اللي ضاع
وداع يا حب...وداع , وداع
روحي الله يسمحك
بدعي لك تلاقي طريقك
ودعتك وانا بحاول انسي حبك
ودعتك وانا بحاول انسي جرحك
وانسي اني في يوم فيه قبلتك
وانا بدعي ودعتك الله يسمحك
خلاص الكلام ماعد تش ينفع
ودموع العين ماعد تش تشفع
واللي راح عمره تاني ما هيرجع
وداع يا حب ضاع وداع
وداع يا عمر ضاع وداع
انطفي الشعاع ونكسر شراع
واللي ضاع مني ومنك ضاع
النهاية بيدك انت كتبتيها
وسكتك من غيري مشتيها
واخترتي طريقك وحسبتيها
من غير ما ايدك ليّ تمديها
الا كلمة وحده ليّ قولتيها
كلمة وداع وسبتيني للضياع
وسبتيني للضياع وداع وداع
وداع يا حبي وداع .. وداع




                                      الدنيا وما فيها
شعر / على حزين
قاعد ورافع وشك للسماء
بتفكر في إيه يا عم
أمبارح راح وعدى    
خلاص
وبكره لساه غيب لساه
أنساه  
ولا تستناه
ولا تخليه ع البال
والنهار ده ذي الفل
أشطه يا عم وعال العال
مالك يا عم  شايل الهم
والحزن جواك ما يتلم
محطاط ومهتم
وشيفها أضيق من َّثم
شايل الدنيا فوق راسك
والأخرة بها متحزم  
زرعتها بطيخ طلعت خيار إياك

أولادك دول حلوين
وربنا يحميهم من العين
فارس راح المدرسة
وخديجة  غليانه
ويحي ربنا يشفيه
والسيد أديك مسننيه
وأمهم أصيله وبت حلال
تستهل واللهِ  تقلها  مال
زينه وحلوه  وعال العال
وعقلها يوزن يا بوي جبال
أميره وبنت ألأمره
طيبة وطاهرة
وعلى الفطرة
ستري مكاني
ومريحاني
وعيشي معي
بقالها زمان
ع الحلوة والمرة
مستحملاني ...  
وشيلاني ....
ومراعي بيتي والعيال
وعيشي  معي علي قد الحال
عيشه معاك بقالها زمان
مستحملاك  يا عم وشيلاك
ومراعيه بيتك عيالك
إن كلت ملح كلته معاك
وان كلت فراخ تفضل مستنياك
لا تحط الزاد  ولا  تذوقه
إلا  لما تجي  أتعشيهم
وتلعبهم  وضحكهم وترضيهم
مهى  ديما طالبة رضاك
صوامة  وقوامة وحافظه لكتاب الله
وصيناك في مالك وعيالك  
وفى خصورك وغيابك
وعلى الهوى عيش معاك
والحلوى والمرة مقسماك
لعمرها  جات في يوم وقالت لك هات
هات زي النسوان
اللي بتربي الهت هات  
ولا اشتكت مني ... ولا بكت
ولا حكت لأمها
ولا حد من الجران  
وأنا عشان كده بحبها كمان
وأنت عشان كده بنحبها كمان
يبقى بقى مالك قاعد ليه وزعلان
مخنوق  مضايق   كفران  
وأيدك على خدك سرحان
شيل هموم الدنيا فوق راسك
مالك إيه إلى جرا  بس
الفلوس
ملعون أبو الفلوس  
بتراوح وتجي بالك عاملة
زى إيه الفلوس عامله زى الدبان الأزرق
لا بتلم .. ولا بتهتم  ولا بتاجي
ولا بتاجي ولا بتحط
الا على الرمم
واللي مش نضيف
و اللي مش تمام
وأنت عال العال
نضيف بره وجوه  
الا على اللي مش نظيف
وكمان اللي مش تمام
وأنت نظيف  وعال العال
وزى الفل كمان
لعمرك وسخت أيديك
ولا دخلت جيبك لقمه حرام
ولا بنحب تأذى غيرك
وتحب الخير لكل الناس
عشان كده ربنا مباركاك في صحتك
وأعفيتك وحيلك وعيالك ومرانك كمان
الكنز اللي أنت مش عارف قمته
يبقى بقى بوص أيدك لتنين وش وظهر
واحمد ربنا عشان يزيدك يديك كمان وكمان
ويا ما عط لك كتير كتير  
نعم من غير حد ولا عد
أولها الإيمان
وأخرها القناعة
أولها الإيمان وأخرها القناعة
يبقى بقى قاعد ليه زعلان
مهموم مضايق سرحان
وشيل الدنيا فوق راسك
زرعتها بطيخ طلعت خيار إياك
أوعاك تقولي الدنيا أوعاك
إياك أسمعك تجيب لي  سرتها
اياك
دي خسيسة ورطيه وفانية
ولا تساوى دمعة في ثانية  
ولا تساوى فردة جزمه قديمة
جيفة ومعفنة ورمه  وقذره
ويبجروا عليها الكلاب السعرانة
ترضى تكون زيهم
إن رضيت أنت
إنا والله ما ارض هالك
يبقى بقى قوم فذ على حيلك
وأشوف اللي ورآك
دا عيالك مستنين تقعد معهم وتحكي لهم حواديت
وتديهم جرعت حنان
وفرفش بقي وسيبك من السرحان
وضحك وفضك من والتوهان


وسيبك بقى من التوهان  والسرحان



الكاتب في سطور
الاسم : على السيد محمد حزين
يعمل : إمام وخطيب بالأوقاف المصرية
وإسم الشهرة: على حزين
العنوان : ساحل طهطا / سوهاج
عضو في نادي أدب طهطا
وعضو مركزي , محاضر مركزي ..
عضو المجلس المصرى للشعر العامى
عضو جمعية مبدعى مصر
ودعي للعديد من المؤتمرات الأدبية منها علي سبيل المثال لا الحصر " المؤتمر الأدبي الخامس عشر لإقليم وسط الصعيد الثقافي " الخطاب الثقافي وسط الصعيد ( الواقع والمستقبل ) 3/ 3/ 2015
البريد الإلكتروني : alielsaeed472@yahoo.com
نشر في العديد من الجرائد والمجلات الادبية علي سبيل المثال جريدة الجمهورية ـ والأهرام المسائي ـ وجريدة المساء ـ ومجلة أقلام " وغير ذلك العديد من الصفحات والمجلات والدورات الأدبية التي تتصل بعالم ما يسمي الفضاء الإلكتروني .ــ وله ثلاث مجموعات قصصية مطبوعة " دخان الشتاء" من الهيئة العامة لقصور الثقافة.."وحفيف السنابل " و" أشياء دائماُ تحدث "عن فجر اليوم للطباعة والنشر وفاز بالمركز الأول مرتين علي التوالي في مسابقات أدبية لنادي أدب طهطا .. وللمراسلة ــ ساحل طهطا ـ حارة العبد ــ سوهاج تليفون محمول 01203704015 وتليفون ارضي 4761104