موسوعة شعراء العاميه المصريه /طاهر البرنبالى

[url=]
طاهر البرنبالى[/url]

التين و المانجه و التفاح..دول فاكهه
طبعا تاكلها ف أي عيد من غير لغط
إياك لا تبكي ع اللي عدي و راح
إياك ف حلمك تشتهي الأفراح
وغصون تخونك ف المواسم
الرد جاهز و حاسم
إذا كان أبوك شبع م الرده..
وبرضه مات م الخضه
شد المواسم و موت تغريد
إيه يجبرك ع الحزن ف الموال..
وليه تدوق الصبر و مراره..
لو حتي وانت بعيد..
غير حب أخضر كل يوم بيزيد



قصيدة..النصر للستات..من ديوان طوابير رايحين للجنه..مهداه إلي روح الشهيده شيماء الصباغ
سماحة أمه بتعاند بلا رحمه..
من بعد موت الصبايا الحور ف النور
أو حتي جوا الميدان ف الزحمه
سماحه بتتقلب بالعكس ع الآخر..
وتتشمس أغاني عديد ف مطرحها
يا طلعت حرب مين مقتول و مين قاتل
يا باني البنك والسيما و غزل نسيج
أكيد إنت الوحيد شاهد
يا خوفي ليخلصوا منك ف لحظة زور
كتير لحظات علي الأرض الجميله قتيله
ولحظه زي دي ماتفوتش..
خصوصاً لما يبقي الوحيد نشيد بنيان
وإنت كمان..يا صانع م الوطن ألحان..
شهادتك شهادة مر عاش ف الحلق..
ومتربع بقي له زمان
شهادتك فيها ألف شهاده بحكم الحق
نسيجك بيحتاج الشباب صباغ
وبنتك بنت عدل النبت ف الميادين..
واتمدت عليها إيدين
ودا شئ مايرضيش الرخام والطين
يسار ويمين
إحكي لي يابا عن شهيدة مصر
يا باني مصر و نظرتك لبعيد
مش هيه برضه..كانت بترفع شعار..
للعدل و الحريه وقت احتضار النار
مش هيه بانيه ولابسه توبها القديم
لكنها بتقول..غنا البلابل و العداله كوم..
يا يموت عدوي علي عش محني أليم
يا شيما نامي ف حجر أوطانك
العدل خالد والأكيد ف نشانك
نامي يا لابسه هدوم العيد
والعيد هييجي بسحر أقطانك
إبنك ما ماتش خلاص..
الإبن إبنك بس لينا فيه
عفة وطهر المقاصد بين أيادي الناس
يا شيما لسه البواقي كتير
حق الفقير اللي اتزرع ف غيطانه..
عرق الفواعليه ف ليل العصر
جهد عمال اليوميه تحت سيف القهر
و ولاد شهامه م الصنايعيه ف نزع أخير
بس النوايا الطيبه تسند ف يوم الزير
وتقلب الموازين ما بين حنين وجديد
بكره هتيجي السنين وتعلي من شانك
تفاحةاليوم لازم تكون معطوبه..
واللي يعيش يموت ويحط نفسه مكانك
هتكون ساعتها ملامح الدنيا مقلوبه
إمبارح اللي مسكين ماسك ف الإيدين سكين
واللي بني بالزور مش لاقي ولا طوبه
يا شيما لسه بادوق واشم واستطعم
والنصر خلطه من كانون لبؤنه..
وف أي سكه يغير المواعيد
خداع و سيف بتار لإبن العم
إللي إشتري و باع و تاجر فينا
دا النصر جي ولابس شعور سياله
يقول لكل البشر.. النصر ف الأصل..
مش بس للرجاله





صممت مره أغني لشموعي..إنطفت مني
صممت مره أغني لدموعي..زوغت مني
صممت مره أغني لضلوعي..ضاقت وقالت..
إياك تروح ف الطريق الغميق وتتشغل عني
يا كل أنواع الغنا من القديم للجديد..
إن كان صحيح الغنا..
هياخدني من حصني ومن حضني
فبلاش غنا محبوك علي سني
وبعد ليل طويل وقتيل ..نبتدي نغني
للناس وللإحساس للشمس والضليله
لكن ما يمنعش دلوقتي نغني شويه..
عن موجة الضعف الغبيه




ما تسألنيش عن إللي فات واتسرق زغاليل
ماليش رغبه أجر الخيبه ف سؤالك..
ولا حتي أخبي الذنب م الأيام
كفايه انك تكون ويايا ع التوهه..
وتمسح بالعزيمه جراحي نغم هادي
تضيع الآهه من حلقي بصوت مسحوب
أرد الفرحه لولادي ف سواد الليل
وأركب بعد صبر أليم طموح زايد..
وادوس بالخيل ع السكه اللي رايحه بعيد..
بتدهس موج يغرقني بحس بليد
يا ماشي معايا ف المشوار ضمير ونصير
ما عادش الماضي ينفعنا.. ما عادش بصير
ما ليش رغبه أجر الخيبه ف سؤالك
ما تسألنيش عن إللي فات واتسرق زغاليل..
ف غمضة ليل... أمل و نخيل



في كل يوم الصبح باستني البديل من بعد ليل
لكن علامات الوضوح ليها جناحات مع ديل..
صحيح مشوار وصول علي حبلها الموصول بعيد..
والصبر مرر ف الحلوق أيام شهور وسنين..
واحنا اللي قولنا زمان...
مالناش بديل إللا اختيار المستحيل
والمستحيل محتاج للبنا خرسان تقيل..
وبعد عمر طويل.. أطول من الظرف العليل
هييجي وينبت بكف الناس بديل..
العدل فيه هو المسار والنور..
والستر فيه إنك تعيش مسرور..
والحر فيه شايل ربيع علي كل لون م الورد



يا اللي انت بتعاند وراكب حصانك تملي
هدي ف مسارك شويه..تقدر تدوس الأسيه
السكه لسه طويله وبعيده عن المقصود
وان كان علي باب الخلود موجود
إضحك ونكت وابتسم للحياه البؤس..
جايز رضاها يديك ما يكفي لنوبة حرب..
ضد التعاسه والنجاسه وبياعين الكرب
ساعة ماتضحك إياك من التوهان وم النسيان
إرجع لبحرك الهادر و عوم م الأول
وم المؤكد راح تستفيد ف المحاوله التانيه
والتالته هتعيدك فرحان بعيدك سعيد
التجربه مش لجلد الذات والنومه ف النوات
التجربه شريان ما يعرف حد