وكالة أنباء الادب العربى
مرحبا بكم فى وكالة انباء الادب العربى

موسوعة شعراء العاميه المصريه / ماجد ابادير

اذهب الى الأسفل

موسوعة شعراء العاميه المصريه / ماجد ابادير

مُساهمة  وكالة انباء الادب العربى في الجمعة يناير 29, 2016 4:49 am

[url=]
الشاعر ماجد ابادير[/url]


    نفسي اغنيلك فرايحي
شعر: ماجد كمال ابادير

خدت علمي ويا حلمي
وقولت اروح
ياما روحنا وياما جينا بالجروح
والهموم تملا الزكايب
ع اللي حاضر واللي غايب
والحبايب راحوا شهدا
وهما في عمر الزهور
والحقايق بدلوها بقولة زور
غلطة جابت الف غلطة
وكنا زي ماقالوا كاللي
راح عشان يدن ف مالطة
ضلمت ولا شق نور
ضاقت العيشة وضنت
وكلوا الشعب الاونطة
وحطوا ما بينهم وبينه الف سور
كنت حاسس انهم حاكمين بلدنا
بشعب تاني
مصر دي كانت لاية والا عزبة م الولايا
كات امارة او عمارة
يحكموها بفهلوة وحبة شطارة
دانتي علمتي البشر فن وحضارة
واه يا بت
لما حسيت اني بارقص كالعيال
كنت حاسس ان علمك اللي شايله
زي عيل  م العيال
يوم نجاحة .. يوم جوازة
يوم ما قالوا عليه
ده عال
كنت حاسك ف السما
فوق الوجود
كنت حاسس دمعتي
نازلة تزغرت ع الخدود
ولما طارت طيارات الجيش بترسم
ف السما اسمك وعلمك
يومها حسيت اني جندي
لسة واقف ع الحدود
واه يا بت
كنت حاسس ان لية الف عم والف خال
الف ام والف اخت
والف عيل م العيال
كل دول عاشقين ترابك
كل دول وقعوا ف غرامك
كل واحد كان بيهتف
كنتي مرسومة ف عينيه
لأ وكان بيكلمك
وكنتي بتردي عليه
وكنتي
بتردي
عليه
!!!!!!
...................................................................................................................
                                                 الدم زاد .....

                                                          شعر : ماجد كمال ابادير

الدم زاد يا بت عن حده
وازاي لمين اندهس
يوقف نزيف الدم
والحزن لساه جدع
والهم ما يتلم
لما الزهور بتموت
يبقي الوطن يابس
شايب ماهيطولش
ياما نفسي اكون زيهم
والحق ف حبك كفن
مش موت يا سمرا وخلاص
لكنه موت فيكي
اصلا ولاد البلد
بيموتوا فيكي يا مصر
اما البقر والغنم
بيموتوا لجل القصر
...................................................
                                             
شهيد مصري
مهداة الي شهداء مصر في ليبيا
                                    شعر :    ماجد أبادير
                                 عضو عامل باتحاد كتاب مصر

رصوا الولاد ع البحر بالترتيب .....
يا جزارين البشر
يا شهوة  التعذيب ......................
غطوا  الوشوش الخوف بالف قناع
يا  شر هذا الكون يا ضل يا اتباع
يا دود ف عضم الوطن
عنده الوطن يتباع
ايام وراح تنتهوا
يا ساحة التخريب ...
رصوا الولاد ع البحر بالترتيب
يا جزارين البشر
يا شهوة التعذيب ....
..................................
مين اقوي فيكم مين ؟؟؟
محتاجة للتفسير ؟؟؟والا الكلام مقري ؟؟؟
قاتل ف لبس اسير
ميت كانه امير
خد تاجه من بدري
مين اللي اطول عمر ؟؟
مين اللي عمره قصير ؟؟؟
اجمل ما فيك يا شهيد
انك شهيد علي دين
وانك شهيد مصري
بهر البشر بثبات ما ف لحظة عنه يغيب
رصوا الولاد ع البحر بالترتيب .....
يا جزارين البشر
يا شهوة التعذيب
.............
ولا كان ف ايدهم سيف
ولا جم يحاربوا حد
والشر اصله عنيف
لازمله خير كالسد
وقفوا الولاد صامدين قدام جلال الموت
وقفة شهيد كأسد
خلوا اللي شافهم قال
مين اللي اسر مين ؟؟
عايز يقوله يسيب ....
رصوا الولاد ع البحر بالترتيب .....
يا جزارين البشر
يا شهوة التعذيب
.......................................

( سيرة ذاتية )

ماجد كمال ابادير
الشهرة ( ماجد ابادير )
شاعر عامية وكاتب – عضو عامل باتحاد كتاب مصر
الكتب المطبوعة
امبارح شفتك ( ديوان بالعامية المصرية )
كام حلم ( ديوان بالعامية المصرية )
المشاركة في اكثر من كتاب مطبوع مثل ؛-
محاكمة شرفة ليلي مراد – ادباء الشعب الاسكندرية وغيرها
تحت الطبع
نفسي اغنيلك فرايحيي ( ديوان بالعامية المصرية )
شهيد مصري ( ديوان بالعامية المصرية )
حبة اغاني ( كتاب للاطفال )
نشرت اشعاره ومقالاته في العديد من الجرائد والدوريات المصرية مثل:-
مجلة الثقافة الجديدة-مجلة الشعر- مجلة صباح الخير - مجلة ادب ونقد – جريدة المصري اليوم -جريدة الاخبار المسائي – جريدة المساء- جريدة القاهرة –جريدة الاهرام المسائي-جريدة الاهالي- نشرة اتحاد الكتاب - جريدة الكرامة – جريدة روز اليوسف – جريدة منبر التحرير.. ومجلة قطر الندي.... وغيرها
شارك بكتابة اشعار بعض المسرحيات لهيئة قصور الثقافة وبعض الجمعيات الاهلية.
ت 1118246624




_________________
اعداد
محمد عبد القوى حسن

maa66aa66@hotmail.com
avatar
وكالة انباء الادب العربى
المدير العام للمنتدى
المدير العام للمنتدى

عدد المساهمات : 264
تاريخ التسجيل : 30/04/2010
الموقع : www.maa66.malware-site.www

http://www.maa66.malware-site.www

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى